Улуустааҕы хараҕынан инбэлииттэр чилиэннэрэ үксүлэрэ саастаах дьон, бэйэлэрин кэмнэригэр улууспут туһугар диэн үлэ бөҕөтүн үтүө суобастаахтык үлэлээбит дьон. Сааһырбыт дьон кыһалҕалара элбэх. Ону өйдөөн, куорат салалтатыгар тиийэн кэпсэтэн, Покровскайдааҕы колледж устудьуон-волонтердара муус устар 6 күнүгэр хараҕынан бастакы группалаах инбэлиит, тыыл бэтэрээнэ Зоя Тимофеевна Ким тэлгэһэтин хаарын ыраастаатылар.
Салайааччылара физкультура преподавателэ Руслан Афанасьевич Борисовтыын оҕолор сүрдээх көхтөөхтүк үлэлээтилэр. Устудьуоннар араас улуустартан кэлэн үөрэнэ сылдьаллар эбит: Тааттаттан, Сунтаартан, Үөһээ Бүлүүттэн, Намтан, Мэҥэ Хаҥаластан. Олус сайаҕас, көрсүө оҕолор. Колледж салалтатыгар, чуолаан Мария Гаврильевна Моисееваҕа, оҕолору тутатына тэрийэн ыытан көмөлөһүннэрбитигэр махтанабыт.
Ольга Владимирова, улуустааҕы көрбөттөр уопсастыбаларын бэрэссэдээтэлэ
Подробнее: https://ханаласгазета.рф/article/49752
